Swiftda Comments

Dasturlashda izohlar (comments) — bu kodni tushunarliroq qilish uchun yoziladigan izohlar yoki eslatmalardir.

Izohlar kompilyator tomonidan butunlay e’tiborsiz qoldiriladi. Ular dasturning ishlashiga ta’sir qilmaydi. Asosan boshqa dasturchilar uchun yoziladi.

Swift tilida izohlarni ikki xil usulda yozish mumkin:

• // — bir qatorli (single-line) izoh
• /* ... */ — ko‘p qatorli (multiline) izoh

Bir qatorli izoh (Single Line Comment)

Swift tilida // bilan boshlangan har qanday qator bir qatorli izoh hisoblanadi. Masalan:

// o‘zgaruvchi yaratish
var name = "Cartman"

// qiymatni chop etish
print(name)

Yuqoridagi misolda ikkita bir qatorli izoh bor:

• // o‘zgaruvchi yaratish
• // qiymatni chop etish

Shuningdek, izohni kodning o‘zida ham yozish mumkin:

var name = "swift" // name — bu string

Ko‘p qatorli izoh (Multiline Comment)

Swift tilida /* va */ orasidagi matn ko‘p qatorli izoh hisoblanadi. Masalan:

/* o‘zgaruvchi yaratish
 xodimlarning oyligini saqlash uchun
*/

var salary = 10000
print(salary)

Bu yerda /* ... */ yordamida bir nechta qatorni o‘z ichiga olgan izoh yozilgan.

Izohlarning foydasi

1. Kodni osonroq tushunish uchun

Kod ichida izohlar bo‘lsa, uni keyinchalik tushunish juda oson bo‘ladi.

Shuningdek, boshqa dasturchilar ham kodni tezroq tushunadi.

2. Dastur xatolarini topish (debugging)

Dasturda xatolik yuz bersa, muammo bo‘lgan qatorni butunlay o‘chirib tashlash shart emas — uni vaqtincha izohga aylantirib qo‘yish mumkin.

print("Swift")

// print("Error Line)

print("UIKit")

Bu misolda print("Error Line) xato berayotgani uchun uni vaqtincha izohga aylantirdik. Endi dastur xatosiz ishlaydi.

Muhim eslatma

Izohlar nimaga biror ishni bajarganimizni tushuntirishi kerak — qanday bajarganimizni emas.

Izohlar hech qachon yomon yozilgan kodni yashirish uchun ishlatilmasligi kerak.