Swiftda if, if...else operatori

Dasturlashda if operatori ma'lum bir shart bajarilganda faqatgina shu shartga mos kod blokini ishlatish uchun qo‘llaniladi.

Masalan, talabaga balliga qarab baho qo‘yish:

• agar foiz 90 dan yuqori bo‘lsa → A
• agar foiz 75 dan yuqori bo‘lsa → B
• agar foiz 65 dan yuqori bo‘lsa → C

Swift tilida if...else operatorining uchta ko‘rinishi mavjud:

• if operatori
• if...else operatori
• if...else if...else operatori

1. Swiftda if operatori

Swift tilida if operatorining sintaksisi:

if (shart) {
  // if operatorining tanasi
}

if operatori qavs ichidagi shartni tekshiradi.

• Agar shart true bo‘lsa — { } ichidagi kod ishlaydi
• Agar shart false bo‘lsa — kod bajarilmaydi

{ } ichidagi qism — if operatorining tanasi.

Misol:

let number = 10

// number 0 dan katta ekanligini tekshirish
if (number > 0) {
  print("Son musbat.")
}

print("If operatori oson.")

Natija:

Son musbat.
If operatori oson.

Yuqoridagi misolda number > 0 sharti true, shuning uchun if ichidagi kod bajariladi.

Agar qiymatni quyidagicha o‘zgartsak:

let number = -5

Natija:

If operatori oson.

Bu holatda shart false, shuning uchun if tanasi bajarilmaydi.

2. if...else operatori

if operatori ixtiyoriy else qismiga ega bo‘lishi mumkin.

Sintaksis:

if (shart) {
  // agar shart true bo'lsa
}
else {
  // agar shart false bo'lsa
}

Shart tekshirilganda:

• Agar true bo‘lsa: — if ichidagi kod bajariladi — else ichidagi kod bajarilmaydi

• Agar false bo‘lsa: — else ichidagi kod bajariladi — if ichidagi kod bajarilmaydi

Misol:

let number = 10

if (number > 0) {
    print("Son musbat.")
}
else {
    print("Son manfiy.")
}

print("Bu operator har doim bajariladi.")

Natija:

Son musbat.
Bu operator har doim bajariladi.

Agar number = -5 bo‘lsa:

Son manfiy.
Bu operator har doim bajariladi.

3. if...else if...else operatori

if...else operatori ikkita tanlov uchun ishlatiladi. Ammo tanlovlar undan ko‘p bo‘lsa, if...else if...else operatori qo‘llanadi.

Sintaksis:

if (shart1) {
    // kod 1
}
else if (shart2) {
    // kod 2
}
else {
    // kod 3
}

Bu yerda:

• Agar shart1 true → kod 1 bajariladi
• Agar shart1 false → shart2 tekshiriladi
• Agar shart2 true → kod 2 bajariladi
• Agar shart2 false → kod 3 bajariladi

Misol:

// sonning musbat, manfiy yoki 0 ekanligini aniqlash

let number = 0

if (number > 0) {
    print("Son musbat.")
}
else if (number < 0) {
    print("Son manfiy.")
}
else {
    print("Son 0 ga teng.")
}

print("Bu operator har doim bajariladi.")

Natija:

Son 0 ga teng.

Bu misolda ikkala shart ham false bo‘lgani uchun else qismi bajariladi.

Ichma-ich (nested) if operatori

if operatorining ichida yana bir if operatori yozish mumkin. Bu ichma-ich (nested if) operatori deyiladi.

Sintaksis:

// tashqi if operatori
if (shart1) {
    // operatorlar

    // ichki if operatori
    if (shart2) {
        // operatorlar
    }
}

Ichki if istalgan joyda — tashqi if, else yoki else if ichida ishlatilishi mumkin. Ko‘p darajali ichma-ich if’lar ham yozish mumkin.

Misol:

var number = 5

// tashqi if operatori
if (number >= 0) {

  // ichki if operatori
  if (number == 0) {
      print("Son 0 ga teng")
  }
  // ichki else operatori
  else {
      print("Son musbat")
  }
}
// tashqi else operatori
else {
    print("Son manfiy")
}

Natija:

Son musbat

Bu misolda ichki if yordamida sonning 0 yoki musbat ekanligi aniqlanyapti.