2.1 UIViewController va UIView | UIKit asoslari

Ushbu maqolada biz iOS ilovalari qanday tuzilishini tushunamiz. har bir ekran (UIViewController) va u ekrandagi ko‘rinishlar (UIView) qanday ishlashini o‘rganamiz.

UIKit qanday ishlaydi?

UIKit’da har bir ekran — bu UIViewController.
Har bir ekran ichidagi narsa esa — bu UIView.

Misol uchun:

• Instagram’da Home sahifasi — bu UIViewController
• Undagi postlar, matn, rasmlar — bu UIView elementlar

UIViewController nima?

UIViewController — bu ekranni boshqaruvchi sinf (class).
U sizning sahifangizni yaratadi, uni ekranda ko‘rsatadi va foydalanuvchi bilan bo‘lgan o‘zaro aloqani boshqaradi.

Masalan:

import UIKit

class ViewController: UIViewController {
    override func viewDidLoad() {
        super.viewDidLoad()
        print("Ekran yuklandi!")
    }
}

viewDidLoad() — bu ekran birinchi marta yuklanganda ishga tushadigan funksiya. Unda siz UI elementlarni yaratishingiz yoki sozlashingiz mumkin.

UIView nima?

UIView — bu ekrandagi ko‘rinadigan qism, masalan:

• Tugma (UIButton)
• Matn (UILabel)
• Rasm (UIImageView)
• Quti (UIView)

Har bir narsa ekranda UIView orqali chiziladi.

Masalan, oddiy qizil kvadrat yasaymiz:

override func viewDidLoad() {
    super.viewDidLoad()
    
    let redView = UIView()
    redView.backgroundColor = .red
    redView.frame = CGRect(x: 100, y: 200, width: 150, height: 150)
    
    view.addSubview(redView)
}

Bu kod UIViewController ichida yoziladi. Biz redView yaratdik, unga rang berdik va view ichiga qo‘shdik.

UIViewController va UIView o‘rtasidagi bog‘liqlik

UIKit’da har bir UIViewController ichida bitta asosiy view mavjud. Siz barcha elementlarni (label, button, image) shu view ichiga joylashtirasiz.

UIViewController
 └── main view
      ├── UILabel
      ├── UIButton
      └── UIView

Shuning uchun biz:

view.addSubview(...)

deyish orqali yangi elementni asosiy ekranga qo‘shamiz.

Xulosa

Kichik amaliyot

1. Yangi Single View App yarating
2. ViewController.swift faylini oching
3. viewDidLoad() ichida quyidagilarni yozing:

let blueBox = UIView()
blueBox.backgroundColor = .blue
blueBox.frame = CGRect(x: 50, y: 100, width: 200, height: 200)
view.addSubview(blueBox)

Natijada ekranda ko‘k kvadrat paydo bo‘ladi

Shu bilan siz UIKit’dagi eng muhim ikkita tushunchani bildingiz: har bir ekran — Controller, har bir ko‘rinish — View. Keyingi darsda: UI elementlarni (UILabel, UIButton) qo‘shishni o‘rganamiz.